何謂葡萄酒嘅靚年？
靚年，好似人人都聽得明嘅 Terms，但你係咪真係知道咩為之靚年？
就結果而言，靚年其實就係指嗰一年嘅葡萄收成特別好，做出嚟嘅酒質素特別高。
呢啲靚年通常係因為嗰年嘅天氣條件特別理想，例如陽光充足、雨水適中、又冇乜霜凍冰雹之類嘅影響，令到葡萄成熟得好均勻，糖分同酸度都啱啱好。
雨水適中，係指嗰一年嘅降雨量恰到好處。對於葡萄種植嚟講，雨水過多會令到葡萄藤吸收過多水分，導致葡萄果實糖分濃度降低，影響酒嘅質素。而雨水過少又會令到葡萄藤缺水，果實變得乾瘦，亦會影響酒嘅風味。
理想嘅雨水量係指喺葡萄生長季節中，喺開花期同結果期都有適量嘅雨水，幫助果實發育；而喺成熟期則需要乾燥少雨嘅天氣，令到葡萄糖分集中，提升酒嘅質素，而去到收成期最好就完全冇雨。
靚年嘅酒通常會有更豐富嘅香氣、更加平衡嘅味道，陳年能力亦都特別長。
再講一個，明明好簡單但好多人混淆嘅謬誤：某個產區嘅靚年，並唔代表全世界喺呢一年都係靚年。
靚年係指某個特定地區嗰一年嘅葡萄收成特別好，但唔同地區嘅天氣條件可以有好大差異，即使喺香港，一個地區落大雨嘅時候，另一個區都可以出太陽，所以一個地區嘅靚年唔一定係另一個地區嘅靚年。
各個主要產區的靚年
法國波爾多 Bordeaux：2000年、2005年、2009年、2010年、2015年、2016年 勃艮第 Bourgogne：2002年、2005年、2009年、2010年、2015年、2016年 香檳 Champagne：2002年、2004年、2008年、2012年
意大利西班牙美國
|
|
|
